Д-р Радован Витошевиќ (17.05.1986, Скопје) е доктор и магистар по економски науки, со специјализација во сферата на менаџмент, финансии, маркетинг и мрежен маркетинг.

По завршувањето на факултетското образование на Универзитетот Шефилд (Sheffield University, UK), кој е еден од 100-те најдобро рангирани универзитети во светот, тој магистрираше на истоимената факултетска програма во 2016 година. Со добивање на целосна стипендија на Универзитетот Кеи Вест во Флорида (Key West University of Florida, US) од страна на Московскиот универзитет за право и финансии (Moscow University of Finance and Law), докторската дисертација (Doctor of Business Administration - DBA) беше завршена во 2024 година.

Речиси 20 години работи како професионален менаџер во мултинационални компании и финансиски друштва. Извршен директор и претседател или член на управен одбор е во повеќе компании во повеќе земји. Тој е себелидер и лидер на други, корпоративен тренер, јавен говорник, претприемач и инвеститор. 

Како јавен говорник, Радован има говорено пред најмногу 30,000 луѓе во VELTINS-Arena во Гелзенкирхен, Германија, во 2023 година. освен говорник, организатор е на стотици бизнис-настани, а исто така и иницијатор е на повеќе социјално одговорни настани и проекти за заштита на околината. Тој е еден од тимот основоположници на кешбек програмата и генерално лојалти индустрија, како и поставувач на нови стандарди во мрежниот маркетинг и популаризирање на препорачувачкиот маркетинг во Македонија. Освен што успеа комплетно да промени две индустрии во македонската економија, неговата работа претставува успешно долгогодишно залагање во бизнисите, како и во овозможувањето на поубав живот на стотици наши семејства.

Автор е на книгата Будење на свеста и со тоа се покажа дека, освен бизнисот, тој е високосвесно, креативно и духовно битие кое се занимава со лична и колективна преобразба, сакан сопруг и член на прекрасно семејство. Tој верува дека оваа книга има моќ позитивно да го трансформира животот на сите човечки битија во општеството. 

Во октомври 2019 година книгата беше промовирана на 71-от саем за книга во Франкфурт, кој е најголемиот саем во оваа област во светот. Неодамна книгата беше објавена на неколку светски платформи меѓу која и Amazon/Kindle каде што е достапна на англиски јазик во електронска форма и во мека корица под наслов Awakening Consciousness.

Повеќе за Радован и неговата работа можете да прочитате на www.radovanvitosevic.com.